“Makkabi"də keçirdiyim ən pis matç idi” – Baxar “Sabah”la oyundan əvvəl danışdı
“Football-plus.az” İsrail mediasına istinadla xəbər verir ki, “Makkabi”nin baş məşqçisi Barak Baxar Azərbaycana yola düşməzdən əvvəl futbolçularıyla çətin görüş keçirib.
Təcrübəli çalışdırıcı Konfrans Liqasının 2-ci təsnifat mərhələsi çərçivəsində “Sabah”la ev oyunundakı 0:3 hesablı məğlubiyyəti qəbul etməyib:
“Qəbul etməyəcəyim şeylər var. Bu, kluba gəldiyimdən bəri ən pis oyunumuz idi".
Klubda hər kəs Azərbaycan səfərində 3:0 hesablı məğlubiyyətin geridönüşünün çətin olduğunu anlayır. Lakin Baxarın peşəkar futbolçularına bunun hələ də mümkün olduğunu başa salmağa çalışdığı bildirilir.
Heyət baxımından Dia Sabanın mövsümün əvvəlindən bəri ilk dəfə start heyətdə yer alacağı gözlənilir. Əvəzində Lior Rafaelovla Fratsdi Pyeronun ehtiyat oyunçular skamyasına düşəcəyi gözlənilir. Həmçinin Abdulay Seklə Aleksandr Sirotanın müdafiənin mərkəzində olacağı güman olunur.
KAMAL SƏFƏR
Digər xəbərlər
