Nəhayət, Viktor Osimhen gələcəyi ilə bağlı qəti qərarını verib.

“Napoli”nin hücumçusu iş yerini dəyişmək qərarına gəlib. İnsayder Fabritsio Romanonun məlumatına görə, PSJ uzun müddətdi 25 yaşlı futbolçu ilə danışıqlar aparır. Lakin Paris klubu müqavilədə göstərilən məbləği - 120 milyon avronu ödəmək fikrində deyil. Paytaxt klubu “Napoli” ilə bağlanacaq müqaviləyə hücumçu Li Kan İni də daxil etmək istəyir. Osimhen Səudiyyə Ərəbistanı klublarından birinə də keçə bilər. Artıq “Napoli” onun yerinə “Çelsi”nin hücumçusu Romelu Lukakunu almağa hazırlaşır.

Viktor Neapol klubunda 2020-ci ildən çıxış edir. O, son mövsümdə komanda ilə 32 oyun keçirib, 17 qol vurub və 4 məhsuldar ötürmə edib.