''Napoli'' və Nigeriya yığmasının ulduzu Viktor Osimhen bu yay ''Çelsi''yə transfer olunmayacaq.

London nəhəngi həm neapolluların həddən artıq böyük təzminat tələb etməsi, həm də futbolçunun maaş tələbinin yüksək olması üzündən danışıqları dayandırmaq qərarına gəlib. Bu məlumatı tanınmış jurnalist və insayder Fabritsio Romano yayıb.

Osimhen ''zadəganlar''dan illik 11-12 milyon maaş tələb edir. ''Napoli'' isə əsas qol silahını 130 milyon avrodan aşağı məbləğə buraxmaq istəmir. Baxmayaraq ki, ünlü ''transfermarkt'' saytında futbolçunun dəyəri 100 milyon avro göstərilib. Hadisələrin belə axarından sonra PSJ Osimhen uğrunda mübarizədə əsas favoritə çevrilib. Qeyd edək ki, ''Napoli'' ilə 2026-ya qədər müqaviləsi olan 25 yaşlı forvard geridə qoyduğumuz mövsümü 32 oyun, 17 qol, 4 məhsuldar ötürmə göstəriciləri ilə tamamlayıb.

ƏLİ