“Zirə” bu gün Konfrans Liqasının 2-ci təsnifat mərhələsində ilk oyununu keçirəcək. Rəqib “DAK 1904”dü.

Ölkəmizdə eyni gündə iki komandanın (digəri: “Sumqayıt” – red.) bu çərçivədə meydana çıxacağını nəzərə alsaq, azarkeş sayının nə dərəcədə çox olacağı maraqlıdı. Üstəlik “qartallar”ın avrokubok matçlarını Mərdəkanda yerləşən “Liv Bona Dea Arena”da keçirməsi statistikaya təsirsiz ötüşmür. Odu ki, durumu yoxlamaq üçün “Zirə”nin mətbuat xidmətinin rəhbəri Elmar Abdullzadəyə müraciət etdik. O, “Football-plus.az”a açıqlamasında indiyə qədər 2500 biletin satıldığını dedi.

Qeyd edək ki, bu oyun saat 20.30-da başlayacaq.

KƏNAN BAHADIR