“Şamaxı” üçüncü sınaq matçında da qələbə qazandı

“Şamaxı” yay təlim-məşq toplanışında üçüncü yoxlama oyununu keçirib.

“Football-plus.az” xəbər verir ki, Ayxan Abbasovun komandası yeni mövsümdən 1-ci liqada çıxış edəcək "Cəbrayıl”la qarşılaşıb və 4:0 hesabı ilə qalib gəlib. “Şamaxı"nın heyətində yeni transfer Conatan Benteke dubl edib. Digər qolları Elşad Tağıyev və Adil Nağıyev vurub.

Qeyd edək ki, "Şamaxı" bundan əvvəlki yoxlama oyunlarında "Kəpəz"ə 2:1, "Pelikan"a isə 5:0 hesabı ilə qalib gəlib.