Yeni mövsümə hazırlığını Sloveniyada keçdiyi toplanışla davam etdirən ''Beşiktaş'' burda ilk yoxlama oyununu keçirib.

İstanbul nəhəngi Tselye şəhərində yerləşən ''Petrol Arena''da ''Şaxtyor'' ilə qarşılaşıb. Oyun Covanni van Bronxorstun komandası üçün uğursuz alınıb. Eginaldonun 66-cı dəqiqədə başla vurduğu qol oyunda yeganə olub və ''Beşiktaş'' rəqibinə minimal hesabla boyun əyib. Yeni transferlərdən Qabriel Paulista ilə Rafa Silva start heyətində meydana çıxmışdısa, Çiro İmmobile iştirak ərizəsində yox idi.

Qeyd edək ki, ''Beşiktaş'' daha öncə öz bazasında baş tutan oyunda ''Ümraniyəspor''la qolsuz bərabərliyə qalmışdı. Komanda iyulun 10-dan Sloveniyadadı. İyulun 13-də nəzərdə tutulan Zaqreb ''Dinamo''su ilə oyun əlverişsiz hava şəraiti üzündən ləğv edilmişdi. ''Ağ-qaralar'' iyulun 20-də Avstriya təmsilçisi QAK-a qarşı oyunla toplanışı başa vuraraq vətənə qayıdacaqlar.

ƏLİ