Yığmaların oyunu ilə bağlı yaranmış fasilədən istifadə edən ''Beşiktaş'' yoxlama oyunu keçirib.

İstanbul nəhəngi doğma ''Nevzat Demir'' bazasındakı meydanda Monteneqro təmsilçisi ''Buduçnost'' ilə qarşılaşıb. Podqoritsa klubu hazırda öz çempionatında liderdi. Buna baxmayaq oyun ''Beşiktaş''ın 5:1 hesablı inamlı qələbəsi ilə yekunlaşıb. Qolları 7-ci dəqiqədə Fernandeş, 37-ci dəqiqədə Umut Meraş, 42-ci dəqiqədə Gezzal, 58-ci dəqiqədə Abubakar və 61-ci dəqiqədə Uorrall vurub. Qonaqların yeganə qolu 69-cu dəqiqədə İvanoviçdən gəlib. Oyun zədəsiz ötüşməyib. Artıq 12-ci dəqiqədə ''ağ-qaralar''ın heyətində sol müdafiəçi Əmrəcan Tərzi zədələnərək Umut Meraş ilə əvəzlənib. ''Beşiktaş'' növbəti yoxlama oyununu martın 28-də yenə də öz bazasında ''Fatih Karagümrük''ə qarşı keçirəcək.

ƏLİ