"Ramil Şeydayev millimizin üzvüdü. Komandamızda yerli oyunçu statusuyla çıxış edəcək. Bu üzdən onun "Neftçi"yə keçidinə müsbət baxıram. Düşünürəm ki, baş məşqçi Roman Qriqorçuk Ramilin yüksək keyfiyyətli oyununu bərpa edib komandaya xeyir verməsinə nail olacaq. Futbolçu mərkəz hücumçusu kimi oynayıb özünü sübut etsə, faydalı olacaq. İndiyə qədər, "Qarabağ" ilə "Neftçi" arasında çoxlu sayda oyunçu dəyiş-düyüşü olub. Biz Ramili Rusiya futbol məktəbindən və "Trabzonspor"a transferindən sonra tanımışıq. Bizdən doğma münasibət gözləyirsə, formasının haqqını verməli, yəni vurduğu qollarla, qazandırdığı qələbələrlə bunu haqq etməlidi. Yalnız bu halda azarkeşlərdən sevgi və dəstək görə bilər".