Millimizin və “Buriram Yunayted”in oyunçusu Ramil Şeydayevin “Kocaelispor”a keçəcəyini xəbər vermişdik.

Bu haqda Türkiyə mətbuatında daha bir məlumat dərc olunub. “Football-plus.az” “kocaelikoz.com”un xəbərini təqdim edir:

“Bilindiyi kimi, “Kocaelispor” uzun müddətdi güclü hücumçu axtarışında idi. Və nəhayət, azərbaycanlı futbolçu Ramil Şeydayevlə razılıq əldə olundu. O, bu gün səhər saatlarında Kocaeliyə gəlib. Hazırda tibbi müayinələrdən keçir. Bundan sonra futbolçuyla ilyarımlıq müqavilə imzalanacaq və Ramil komandaya qoşulacaq. “Yaşıl-qaralar” müqaviləsi qüvvədə olan müddətdə hücumçuya 850 min avro ödəniş edəcək. Tezliklə klub rəhbərliyi və Ramilin iştirakı ilə imza mərasimi keçiriləcək”.

KƏNAN BAHADIR