“Köhnəlmiş yarımmüdafiə, pis hücum, çatışmayan pressinq – Fransa yığması İspaniyaya təkcə fərdi baxımdan yox, taktiki planda da uduzdu. Müdafiədə düzəlişlərn yoxluğu, hücumda çatışmazlıqlar, yaxşı pressinq etməyi bacarmamaq – komandanın üzləşdiyi problemlər bunlardı. Hə, yığmanın son illərdəki ən yaxşı iki oyunçusu da gözlənilən səviyyədən uzaq idi. Mbappe və Qrizmann əvvəllər daimi təhlükə yaratmaq və intellekt sayəsində oyunların axarını dəyişirdi. Avropada çempionatında bunların heç birini görmədik, hücumla bağlı ideyalar yoxsul idi. Didye Deşam məğlubiyyətdən sonra dedi ki, məsuliyyət mənim üzərimdədi. Ancaq təkcə onu əsas günahkar kimi göstərmək ədalətsizlik olardı. Hərçənd baş məşqçiyə ünvanlanası suallar da var. Elə Fransa yığmasının kapitanına – Mbappeyə də. İspaniyaya qarşı qoruyucu maskasız oynasa da, yaxşı təsir bağışlamadı. Kilianda sanki Avro ilə şəxsi uyuşmazlıq var. Buna qədər 2021-ci ildə uğursuzluq yaşamışdı, yenə də turniri başıaşağı, üstəlik sınıq burunla tərk edir. Hərçənd qələbə onun “Qızıl top”u qazanmaq şansını artıra bilərdi”.

“Fransa İspaniyaya texniki cəhətdən də uduzdu. Komanda təşəbbüsü əldən verəndən sonra uğursuzcasına hücum cəhdlərini davam etdirdi. Çox ağrılı fiaskodu. Axı son iki dünya çempionatının ən güclü Avropa yığması rəqibə təzyiq göstərməyə qadir olmadı, sadəcə, meydanda baş girələdi. Komanda nəhəng öküz önündə köməksiz qalan uşaqların günündə idi. Meydanın mərkəzindəki futbolçulardan heç biri topla yetərincə yaxşı davranmadı, onlardan heç biri topsuz da yaxşı deyildi. Deşam komandanın artıq irəli getməyi bacarmamasına görə fasilədə qəzəbini heç gizlətmirdi də. Mbappeni maskasız da tanımaq çətin idi. Çox qəribə oyun izlədik. Turnirdə futbol oynamağı hamıdan yaxşı bacaran komanda ikinci hissədə qol vurmağa çalışmadı. Oyununun baxımlılığı tədricən aşağı düşdü, ancaq İspaniyanın bu oyundakı dominantlığı şübhə doğurmurdu”.

“Fransa yığmasının AÇ-nin yarımfinalında mübarizəni dayandırması bizi bu sualı verməyə məcbur edir: Didye Deşam hələ də bu iş üçün uyğun olan adamdımı? Boss çoxlu tənqidi yazının hədəfinə çevrilib. Axı komandanın ümumi səviyyəsi açıq-aşkar məyus edir. Fransızlar oyun vəziyyətindən yalnız bir qol vurub, onu da yarımfinalda. Baş məşqçi Qrizmannı müntəzəm ehtiyat oyunçular skamyasında saxlamaqdan başqa hücumda heç nə düşünə bilmədi. Və bu turnirdə heç nə ilə yadda qalmayan Mbappeyə sonsuza qədər inanmaq... Deşam uzaqbaşı sıx müdafiə ilə öyünə bilər – Kunde turnirin ən yaxşılarındandı, Menyan qapıda əla təsir bağışladı. Ancaq bütün bunlar əsas sualı aradan çıxarmır: müqaviləsi olan Düşam yığmanı DÇ-2026-ya hazırlaşdırmağa layiqdimi? Federasiyada prezidentin dəyişməsi vacib məqamdı. Köhnə prezident Deşamla çox yaxın idi. Yeni prezident yerdəyişmələrə qərar verəcəkmi? Hələ ki bunu təsəvvür etmək çətindi. Axı Didye Fransa yığmasının həyatının ən vacib işi olduğunu təkrarlamağı xoşlayır. Hərçənd bu çağırışı çox gözləyən Zidan artıq üç ildi sərbəstdi”.

“Fransa yığması iyulun 14-də AÇ-nin finalında olmayacaq. Komanda çərşənbə axşamı Münhendə son həddə çatdı və parlaq İspaniya yığmasına uduzdu. Turnirin hər matçında Deşamın komandası üçün zəif yerləri maskalayan və ən çətin vəziyyətlərdən çıxmağa imkan verən xoş elememlərin tapılmasına öyrəşmişdik. Ancaq yarımfinalda heç bir belə element tapılmadı. Sadəcə, ispanıların bütün komponentlərdə üstünlüyünü izlədik. Məğlubiyyətdən bir saatdan da artıq keçəndən sonra Fransa yığmasının futbolçuları, nəhayət, paltardəyişmə otağından çıxdı. Susqun, məyus görkəm ilə. Onların deməyə sözü yox idi. İspanlar isə paltardəyişmə otağında oxuyur, rəqs edir, AÇ-2012-dən bəri ilk dəfə nəhəng turnirin finalına çıxmağı bayram edirdilər. Acı reallıqdı: yenicə qitə çempionluğunu qazanmaqla bağlı arzuları puç olan fransalı oyunçular rəqibin sevinci ilə barışmağa məcburdu. Onlar, sadəcə, pis idi. Bunu etiraf etmək, irəli baxmaq lazımdı”.

“Nəticəyə və turnir ərəfəsində qarşıya qoyulan hədəfə söykənsək, turnirin ən yaxşı komandasına məğlubiyyətdən sonra mübarizəni dayandırmağı iflas adlandırmaq olmaz. Ancaq Almaniyadakı bir ayın ümumi təəssüratı iflasdımı? Çox güman, bəli. Böyük uğursuzluğa düçar olduq. Kolo Muaninin qolundan başqa İspaniya ilə oyundan nəyi xatırlamaq olar? Heç nəyi. Heç bir oyun yox idi, ona görə ki, rəqib bütün səviyyələrdə güclü idi. Portuqaliya ilə oyunda yalnız penalti seriyası emosiya doğurdu, hərçənd qapıçının bir seyvi də olmadı. Belçikaya qarşı sönük futbol göstərdik. Qrup mərhələsini heç xatırlamağa dəyməz, avtoqol və penalti sayəsində iki qol vurduq. Hər kəs bu turniri çox tez unudacaq. Kilian Mbappe hər şeyi və dərhal istəyir. Ən yaxşı nəticələrindən işıq məsafəsində olan futbolçu heç nə göstərmədi. Eyni sözlər Antuan Qrizmanna da aiddi. Fransanın heç bir hücum fəallığı yox idi, komanda titul qazanmağa, sadəcə, layiq deyildi”.

“Onun müqaviləsini şübhə altına salacaq səbəblər görmürəm. Əvvəlki nəticəsələr, çatdığımız hədəflər onun xeyrinə danışır. Didye missiyasını davam etdirəcək. Qarşıdakı günlərdə onunla danışmağı planlaşdırıram. Yarımfinalda nəyin çatmadığını, niyə daha irəli gedə bilmədiyimizi detallı şəkildə təhlil etməliyik. Son bir ay ərzində yığmada peşəkarlıq və mükəmməlliyə can atmaq gördüm. Yığma bu istiqamətdə işi davam etdirməlidi”.