AÇ-2024 bu gün İspaniya - İngiltərə finalı ilə başa çatacaq.

Avropa mətbuatı artıq turnirin yekunlarına dair məlumatlar dərc edir. İngiltərənin ''Give me Sport'' nəşri bu qitə turnirində ümidləri doğrultmayan futbolçuların siyahısını dərc edib. Xəyal qırıqlığı yaradan oyunçuların siyahısına Kriştiano Ronaldo ilə Kilian Mbappe başçılıq edir. Portuqaliyalı superulduz bilindiyi kimi bu turnirdə qol vura bilmədi və karyerasında ilk dəfə nəhəng turniri qolsuz tamamladı. Fransalı superulduz isə yalnız penaltidən bir qol vura bildi. Maraqlıdı ki, siyahıda Harri Keynin də adı var. Halbuki İngiltərə yığmasının kapitanı 3 qolla bombardirlər yarışına başçılıq edən 6 futbolçudan biridi. Üstəlik onun bu gün finalda da qəhrəmana çevrilmək şansı olacaq. 13 nəfərlik tam siyahını sizə təqdim edirik.

1. Kriştiano Ronaldo (Portuqaliya)
2. Kilian Mbappe (Fransa)
3. Romelu Lukaku (Belçika)
4. Antuan Qrizmann (Fransa)
5. Manuel Noyer (Almaniya)
6. Jorjinyo (İtaliya)
7. Aleksandar Mitroviç (Serbiya)
8. Andrey Lunin (Ukrayna)
9. Trent Aleksandr-Arnold (İngiltərə)
10. Yoşko Qvardiol (Xorvatiya)
11. Jeremi Doku (Belçika)
12. Harri Keyn (İngiltərə)
13. Vircil van Diyk (Niderland)