“Krasnodar”da heç cür istədiyi qədər oyun vaxtı qazanmayan Kadi Borges dünən karyerasının gələcəyi ilə bağlı önəmli qərar verdi.

Xatırladaq ki, braziliyalı vinger ötən ilin yanvarında “Krasnodar”a “Qarabağ”dan keçmişdi. Ötən müddətdə “öküzlər”in heyətində keçirdiyi 44 oyunda 7 qol vuran, 2 məhsuldar ötürmə verən Kadi dünən Macarıstanın nəhəng klublarından “Ferentsvaroş”a keçdi. Halbuki son günlər yayılan ən müxtəlif xəbərlərdə onun Azərbaycan çempionu ilə anlaşmağa çox yaxın olduğu deyilirdi.

Göründüyü kimi, hadisələr azərbaycanlı azarkeşlərin istədiyi və arzuladığı məcrada cərəyan etmədi. Kadinin “Ferentsvaroş”u seçməsi yumşaq desək, pərişanlıq və məyusluq, ancaq hər şeyi öz adı ilə çağırsaq, daha çox hiddət və qəzəb doğurdu. Yeri gəlmişkən, belə duruma görə “Qarabağ”ı qınayanlar da çoxdu. Vaxtilə yüksək transfer məbləği (5 milyon avroya yaxın) üzündən Kadini itirən Ağdam klubu indi də “Krasnodar”a istədiyi məbləği vermədiyinə görə günahkar bilinir. Hamını düşündürən sual isə bu oldu: “Qarabağ” niyə “Krosnadar”ın istədiyi pulu vermədi?

Bu sualı Kadi Borgesi ilk dəfə ölkəmizə gətirən menecer Tural Əsgərova ünvanladıq. Onun məsələyə münasibəti belə oldu: