İş dünyasının tanınmış jurnallarından olan ''Forbes'' geridə qoymaq üzrə olduğumuz ilin ən çox gəlir əldə edən idmançılarının siyahısını açıqlayıb.

Maraqlıdı ki, uzun illərdi, amansız rəqabətdə olan Kriştiano Ronaldo ilə Lionel Messi burda da bir-birinə rəqibdi.

Karyerasını Səudiyyə Ərəbistanı təmsilçisi ''Əl-Nəsr''də davam etdirən portuqaliyalı superulduz siyahıda birinci pillədədi. O, 2023-cü ildə 126 milyon avro qazanıb. Ondan cəmi 6 milyon avro az qazanan ''İnter Mayami''nin argentinalı superulduzu Messi ikinci pillədə qərarlaşıb. İlk ''3-lük''də yalnız futbolçuların olması diqqət çəkir.

Belə ki Fransa yığması və PSJ-nin superulduzu Kilian Mbappe isə 111 milyon avroluq qazancı ilə üçüncü pillədə özünə yer tapıb. Maraqlıdı ki, 42 yaşlı əfsanəvi isveçrəli tennisçi Roje Federer də ''10-luğ''a düşməyi bacarıb. Baxmayaraq ki, o, karyerasını 2 il öncə başa vurub. Siyahının ilk ''10-luğ''unu sizə təqdim edirik.

1. Kriştiano Ronaldo (futbolçu) - 126 milyon avro
2. Lionel Messi (futbolçu) - 120 milyon avro
3. Kilian Mbappe (futbolçu) - 111 milyon avro
4. Lebron Ceyms (basketbolçu) - 110 milyon avro
5. Kanelo Alvares (boksçu) - 101 milyon avro
6. Dastin Conson (qolfçu) - 99 milyon avro
7. Fil Mikelson (qolfçu) - 98 milyon avro
8. Stefan Karri (basketbolçu) - 93 milyon avro
9. Roje Federer (sabiq tennisçi) - 88 milyon avro
10. Kevin Dyurant (basketbolçu) - 82 milyon avro

ƏLİ