''Qızıl top''un beşqat qalibi Kriştiano Ronaldo 38 yaşında da öz performansı ilə diqqət çəkməkdə davam edir.

“Football-plus.az” xəbər verir ki, dünən Portuqaliya AÇ-2024-ün seçmə mərhələsində səfərdə Bosniya və Herseqovinanı 5:0 hesabı ilə darmadağın etdi. Kriştiano aktivinə 2 qol yazdı. Yığma səviyyəsində vurduğu qolların sayını 127-yə çatdıraraq dünya futbolunda özünə məxsus olan rekordu bir qədər də yaxşılaşdıran portuqaliyalı superulduz bu təqvim ilində rəsmi oyunlarda vurduğu qolların sayını 40-a çatdırdı. Bununla da Ronaldo ''Mançester Siti'' və Norveç yığmasının ''qol maşını'' Erlinq Holannı (39) geridə qoyaraq 2023-cü ildə ən çox qol vuran futbolçuya çevrildi! Bu siyahıda 3-cü pillədə Kilian Mbappe (35), 4-cü pillədə Harri Keyn (33) qərarlaşıb. Karyerasında 8-ci ''Qızıl top''u qazanmaq üzrə olan Lionel Messi isə 2023-cü ildə 26 dəfə fərqlənib.

ƏLİ