''İngiltərə ilk növbədə cinahlarda çox diqqətli olmalı və yaxşı müdafiə olunmalıdı. Çünki iki sürətli vingerlər İspaniyanın əsas təhlükə mənbəyidi. Yamal Fransaya vurduğu gözəl qoldan sonra meydana özünəəmin şəkildə çıxacaq. Onu AÇ-2004-dəki özümə bənzədirəm. Mən də o vaxt həyatdan zövq alan bir gənc idim. Qorxu? Yamal, Uilyams, Mayno kimi gənclər bu həyatda o qədər də çox yaşamayıblar ki, qorxunun, təzyiqin nə olduğunu bilsinlər. Onlar sadəcə meydana çıxıb oyundan zövq alırlar və şənlənirlər. Bu, futbol oynamaq üçün ən yaxşı yoldu. Uilyams da xüsusi futbolçudu. O da mənə Kriştiano Ronaldonun cavanlığını xatırladır. Onun kimi iri cüssəlidi və topla oynamağı sevir. Bəzən topu özündə həddən artıq çox saxlayır. Amma bir qayda olaraq sonda düzgün qərarlar qəbul edir. Təkbətəklərdə çox təhlükəlidi, üstəlik son zərbələri də yaxşı səviyyədədi. İngiltərə onu bir an olsun gözdən qoymamalıdı''.