“4 qarşılaşma arasında məncə, ən maraq doğuranları “Zirə” - “Neftçi” və “Kəpəz”-“Turan Tovuz” matçları olacaq. Bu 2 görüş çox gərgin keçəcək. Keçən mövsüm də “ağ-qaralar”ı kubok mübarizəsindən kənarlaşdıran qəsəbə təmsilçisi olmuşdu və sonda finala qədər irəliləmişdi. “Zirə” bu oyunda da qələbə üçün əlindən gələni edəcək. Həmçinin komanda bu mövsüm titul qazanmağa çalışacaq. Bu, “Neftçi” üçün keçərlidi. “Ağ-qaralar” mövsümü uğurla başa vurmaq istəyirsə, bu gözəl şansdı. Düşünürəm ki, Laurentsiu Regekampfın komandası bundan maksimum yararlanmağa çalışacaq. Fikrimcə, cütün taleyi ilk görüşdə müəyyənləşməyəcək. “Zirə” evdə daha istəkli oynayacaq. “Qarabağ” - “Qəbələ” cütündə təbii ki, ağdamlıların üstünlüyü görünür. “Qırmızı-qaralar” isə yeganə komandadı ki, rəqibdən asılı olmayaraq, oyun üslubunu qoruyur. Həm baxımlı hücumlar qurur, həm də yaxşı müdafiə olunur. Buna baxmayaraq, bilirik ki, “Qarabağ” güclüdü. Ola bilər ki, ağdamlıların cütün taleyini ilk matçda həll etsin. “Kəpəz” - “Turan Tovuz” görüşü də dediyim kimi, çox gərgin və maraqlı duel olacaq. Düşünürəm ki, tovuzlular minimal hesablı qələbə qazanacaq. Lakin cütün taleyi ikinci qarşılaşmada həll olunacaq. “Səbail” - “Sabah” oyununa gəldikdə isə, təbii ki “bayquşlar” güclüdü. Səfərdə oynasalar da, cütün taleyi ilk matçda bəlli ola bilər”.