İsveçrəlilərin penaltiləri necə vuracağı onun üzərinə yazılıbmış

İngiltərə yığması dünya və Avropa çempionatlarında iştirak etdiyi 10 penalti seriyasının yalnız üçündən qalib ayrılıb. “Üç şir”in oyunçuları İsveçrə ilə seriyada çox soyuqqanlı davrandı. İsveçrəlilərdən isə yalnız müdafiəçi Manuel Akanci büdrədi. Cordan Pikford onun zərbəsini qaytardı. İsveçrə yığmasının qapıçısı Zommer penalti seriyasında yalnız bir dəfə topun istiqamətini müəyyənləşdirə bildi ki, onda da Touninin zərbəsi maksimal dərəcədə dəqiq və güclü oldu. Palmer, Bellingem, Saka və Aleksander-Arnold qapıçı ilə topu fərqli künclərə göndərdilər.

İngiltərə yığması üçün penalti seriyasında qələbə çox şey deməkdi. Girişdə də vurğuladığımız kimi, uzun illər ərzində futbol oyununun bu hissəsi “üç şir” üçün buxov olub. Britaniya təmsilçisi 1996-2018-ci illər aralığında nəhəng turnirlərdə ardıcıl 5 penalti seriyasında məğlubiyyətlə barışıb. Bu “lənət” komandanın üzərindən yalnız Rusiyada keçirilən dünya çempionatında götürülüb. Onda İngiltərə Kolumbiyanı 1/8 finalda məhz penaltilərlə (5:4) yenmişdi.

Avropa çempionatlarında isə penalti seriyası britaniyalılar üçün ağrılı mövzu kimi qalırdı. Onlar ötən şənbəyə qədər yalnız bir seriyadan qalib ayrılmışdılar – AÇ-96-da İspaniya ilə seriyadan (4:2). Ardından İngiltərə elə həmin turnirdə Almaniyaya, AÇ-2004-də Portuqaliyaya, AÇ-2012-də İtaliyaya, nəhayət, AÇ-2020-nin finalında yenə həmin İtaliyaya uduzmuşdu. Beləliklə, İngiltərə yığması son 28 ildə ilk dəfə qitə turnirində penalti seriyasında qələbə qazandı. Onu da vurğulayaq ki, “üç şir” 2019-cu ildə elə həmin İsveçrəni Millətlər Liqasının final mərhələsində - 3-cü yer uğrunda oyunda da penalti seriyasında (6:5) məğlub etməyi bacarmışdı.
Şənbə günü İsveçrə növbəti dəfə məğlub ediləndən sonra oyunun ən yaxşısı Bukayo Saka qələbə haqda danışıd. O, AÇ-2020-nin finalında büdtəmişdisə, bu dəfə dəqiq oldu:

Seriyanın qəhrəmanlarından biri də qapıçı oldu. Pikford cəmi bir top qautardı, ancaq digər zərbələrin də istiqamətini müəyyənləşdirə bildi. Oyundan sonra aydın oldu ki, qapıçının su qabının üzərinə “şparqalka” yapışdırılıb. Həmin kağızda İsveçrə yığmasının 18 oyunçusunun soyadı və penalti anında qapıçının hara tullanmalı olduğu yazılmışdı. Məsələn, Akancinin soyadının önündə bu sözlər var idi: “sola tullan”. Pikford belə də etdi və topu qaytardı.