Fransalı vinger nəzərdə tutulan vaxtda, yəni iyunun 18-də Ağdam klubunun düşərgəsində görünməyib. Onun Səudiyyə Ərəbistanı və Fransa ilə yanaşı, Türkiyə klublarının maraq dairəsinə düşdüyü də deyilir. Hətta son mövsümdə superliqada yerini çətinliklə qoruyan "Hatayspor"un adı çəkilir.
Bəs bu variant nə dərəcədə doğrudu? Bu sualla vaxtilə "Qəbələ"nin baş məşqçisi olmuş, hazırda "Hatayspor"da idman direktoru vəzifəsində çalışan Fatih Kavlaka müraciət etdik:
"Transfer bizim üçün gizli bir mövzudu. Təəssüf ki, bu üzdən Zubirlə bağlı variantın doğru və ya yanlış olmasıyla bağlı cavab verə bilmirəm".
GÜNAY SÜLEYMANOVA
