Nəhayət, “Real”ın kapitanı Naçonun hara üz tutacağı məlum olub.

Onun Madrid klubundan ayrılacağı bir neçə həftə əvvəl böyük ölçüdə məlum idi.

Artıq Naçonun yeni klubu da bəllidi. Bu barədə Fabritsio Romano məlumat yayıb. Tanınmış insayder 34 yaşlı müdafiəçinin Səudiyyə Ərəbistanına yolanacağını bildirib. İspaniya millisinin üzvü artıq yeni klubu “Əl-Kadisiyyə” üçün tibbi müayinədən də keçib. “Real”dan azad agent kimi ayrılacaq Naço ilə 2 illik müqavilə imzalanacağı gözlənilir.

Qeyd edək ki, 11 yaşından “Real”da olan Naço karyerası ərzində başqa heç bir klubda çıxış etməyib. O, 2001-ci ildən əsas komandada oynayıb.