"Zirə"nin Avropa Liqasının 1-ci təsnifat mərhələsindəki rəqibi "Şerif" heyətini gücləndirir.

Moldova klubu bu məqsədlə Moskva ÇSKA-sının mərkəz yarımmüdafiəçisi Sid Əhməd Aysauini icarəyə götürəcək. Əlcəzairlinin meneceri Anisse Benşabanın "sport24.ru"ya verdiyi məlumata görə, 19 yaşlı futbolçuyla birillik müqavilə imzalanacaq. "Şerif"in Sidi satın almaq hüququ olmayacaq.

Aysaui bu ilin yanvarında ÇSKA-ya keçsə də, meydana çıxmayıb. O, 12 matçda ehtiyat oyunçular skamyasında əyləşməli olub. Futbolçu Əlcəzairin U-20 millisinin üzvüdü.

KƏNAN BAHADIR