Türkiyə bu gün AÇ-2024-ün qrup mərhələsinin ikinci turunda Portuqaliya önündə darmadağın oldu - 0:3.

"Football-plus.az" xəbər verir ki, qardaş ölkə yığmasının azarkeşləri məğlubiyyəti qəzəblə qarşılayıb. Komandanın rəsmi sosial şəbəkə hesablarına "hücum çəkən" futbolseverlər həm yığmanın baş məşqçisi Vinçenso Montellanı, həm də bəzi futbolçuları tənqid atəşinə tutub.

"Arda Gülər və Kənan Yıldız komandanın "dəmirbaşları"dı. Onların start heyətində olmaması qəbuledilməzdi"

"Yunus Akgün ayaqüstə dayana bilmir. Altay Bayındır yuxulayır. Hakan Çalxanoğlu, sadəcə, hakimə şikayətlənmək üçün yararlıdı. Komandada təcili dəyişikliklər olmalıdı. Belə milli olar?"

"Çərçivə"ni mövsümü ehtiyat oyunçular skamyasında keçirən Altay Bayındır qoruyur. Gürcüstana qarşı oyunda özünü yaxşı tərəfdən göstərən Mərt Müldür start heyətində deyil. Onun yerinə niyə Zəki Çəliyə şans verilib? Barış Alpər Yılmazın davranışları "mən mərkəzdə yox, ancaq cinahda bacarıqlı ola bilərəm" deyə qışqırır. Montella bunu görmür?"

"Çox güman, Ronaldo fasilədə Samet Akaydının avtoqoluna xeyli gülüb. Bizi biabır etdiz!"

"Bizim millimiz birinci hissədə ehtiyat oyunçular skamyasında oturanlardı. Start heyətindəki futbolçulardan komanda olmaz!"

"Çox yaxşı oynadıq. Sadəcə, Sametlə Abdülkərim Bardakcının səhvlərinə görə uduzduq"

"Montella, istefa!"

"Deyəsən, bu, yoldaşlıq oyunu idi. Millinin əsas oyunçuları start heyətində yox idi. Kimi və nə üçün qoruyursuz? Onlar bizə indi lazım olmayacaqsa, nə vaxt kömək edəcəklər?"

"Arda Gülər, istirahət et. Mənim 24 yaşım olsa, bütün gün qaçsam da, yorulmaram. Bu nəyin yorğunluğudu? Etiraf et ki, çətin oyun olduğu üçün bəhanə tapdın!"

"Türklər bunu haqq etmir. Dünyanın ən nəhəng klublarında çıxış edən futbolçulara start heyətində şans verilmədi. Görəsən, Montellanın start heyətindən xəbəri var idi Seçimlərdə mütəxəssis işi hiss olunmur. Montella, özünə gəl!"

KƏNAN BAHADIR