İngiltərə Futbol Assosiasiyası milli komandanın AÇ-2024 üçün ən yüksək mükafatını müəyyən edib.

“Football-plus.az” xəbər verir ki, yığma qitə çempionatının qalibi olsa, futbolçuların hər biri yüksək məbləğdə mükafat alacaq. “The Sun” qəzetinin məlumatına görə, bu halda futbolçulara 9,6 milyon funt sterlinq (11,3 milyon avro), baş məşqçi Qaret Sautqeytə isə 4 milyon funt sterlinq (4,7 milyon avro) mükafat vəd olunub.

Məlumatda qeyd edilir ki, İngiltərə komandasının AÇ-2024-ü qazanması üçün ayrılan ümumi mükafat, 2022-ci ildə dünya çempionluğu üçün nəzərdə tutulan bonusdan çoxdu. Onda vəd edilən mükafatın ümumi məbləği 13 milyon funt sterlinq (15,4 milyon avro) idi.