2024-cü ildə Almaniyada keçiriləcək Avropa çempionatında mükafatlarla bağlı məsələyə aydınlıq gəlib.

"Football-plus.az" xəbər verir ki, UEFA ümumi mükafat fondunu artırıb.

Gələnilki qitə birinciliyinin ümumi mükafat fondu 371 milyon avro olacaq. AÇ-2020-də bu planda göstəricinin 301 milyon avro olduğunu xatırladaq. Yarışın iştirakçısı olacaq hər komanda üçün 9,25 milyon avro ayrılıb. Qrupdakı hər qələbəyə görə 1,5 milyon, heç-heçə üçün isə 750 min avro mükafat nəzərdə tutulub. 1/8 finala çıxan komandalar əlavə 2 milyon avro qazanacaq. 1/4 finalçıların mükafatı 3,25 milyon avroya bərabərdi. Yarımfinalçılara 5, finalçılara isə 7 milyon avrö ödəniləcək.

UEFA turnirin qalibi olacaq komanda üçün 10 milyon avro ayırıb. Maraq üçün qeyd edək ki, gələcək çempion qrupdakı bütün oyunları qələbə ilə başa vuracağı halda ümumi qazancı 34 milyon avro olacaq.