Xesus Navas mövsümün sonunda “Sevilya”dan ayrılacaq.

“Football-plus.az” xəbər verir ki, bu haqda İspaniya klubu məlumat yayıb.

İspaniya yığmasının da üzvü olan 38 yaşlı müdafiəçi doğma klubunda iki fərqli dövrdə çıxış edib. “Sevilya”nın yetirməsi olan Navas əsas komandada 2004-cü ildə debüt edib. 9 il “Sevilya”da çıxış edəndən sonra 2013-cü ildə “Mançester Siti”yə keçib. 4 il İngiltərə klubunda çıxış edəndən sonra - 2017-ci ildə doğma klubuna qayıdıb. Ümumilikdə 16 il “Sevilya”nın əsas komandasında çıxış edən Xesus 689 matçda 39 qol vurub. O, “Sevilya”da keçirdiyi oyunların sayına görə rekordçudu. İspan futbolçu bu klub ilə 8 kubok qazanıb. Navasın uğurları Avropa Liqası (4 dəfə), İspaniya kuboku (2), UEFA Superkuboku və İspaniya Superkubokunda qeydə alınıb.