MBA-nın loqotipində yer alan basketbolçu öldü
Əfsanəvi basketbolçu Cerri Uest ömrünün 87-ci ilində dünyasını dəyişib.
“Football-plus.az” xəbər verir ki, bu haqda xəbər yayan “Klippers”in mətbuat xidmətinin açıqlamasında deyilir:
“Basketbol ustalığının təcəssümü və onu tanıyanların hər birinin dostu Cerri Uest bu gün səhər 86 yaşında vəfat edib. Xanımı Karen yanında olub”.
MBA-nın komissarı Adam Silver də “Leykers”in sabiq oyunçusu və məşqçisi Uestin ölümünü şərh edib:
“Cerri Uest basketbol dahisi və bizim liqada 60 il ərzində müəyyənləşdirici fiqur idi. O, özünü təkcə MBA çempionu, Ulduzların oyununun 14 qat iştirakçısı kimi yox, həm də ən çətin anları yaşayan bənzərsiz idmançı kimi göstərmişdi. Aramızdakı dostluğu, bütün bu illər ərində mənlə bölüşdüyü həyat və basketbol haqda bilikləri yüksək dəyərləndirirəm. MBA kollektivi adından onun xanımı Karenə, yaxınlarına və əzizlərinə dərindən kədərləndiyimizi bildirir, başsağlığı verirəm”.
Amerikalı bütün karyerasını “Leykers”də keçirib. 1972-ci ildə MBA çempionu olub, 1969-cu ilin finalının ən dəyərli oyunçusu seçilib, 14 dəfə Ulduzların oyununda iştirak edib. Karyerasını bitirəndən sonra “Leykers”, “Memfis”, “Qolden Steyt” və “Klippers” klublarında çalışıb. Uestin silueti MBA-nın loqotipində yer alıb.
Digər xəbərlər
