Gənc basketbolçu dünyasını dəyişdi
Venesuelanın basketbol yığmasının oyunçusu Qarli Soxo 24 yaşında dünyasını dəyişib.
"Football-plus.az" xəbər verir ki, o, dekabrın 22-də Karakasdakı evində ölüb. Basketbolçunun epilepsiya tutmasından öldüyü bildirilir. Venesuela Basketbol Federasiyasının yaydığı bəyanatda deyilir:
“Dərin təəssüf hissi ilə yığmamızın üzvü, parlaq basketbol karyerası vəd edən qeyri-adi adanın – Qarli Soxonun vəfat etdiyini xəbər veririk. Onun ailəsinə, dostlarına, qohumlarına bu ağır və yerini doldurmaq mümkün olmayan itki ilə bağlı başsağlığı veririk”.
Soxo yaxınlarda “Qladiadores de Ansoateqi”nin heyətində Amerika Çempionlar Liqasının qrup mərhələsində oynamışdı. O, yığmanın heyətində 2020-ci ildə Litvada keçirilən olimpiya təsnifat turnirində debüt etmiş, bu il isə Dünya kubokuna qatılmışdı.
