“Yerli klublardan da təkliflər var idi” – legioner həyatına qədəm qoyan futbolçu
“Araz-Naxçıvan”dan ayrılan Zamiq Əliyevin Albaniya çempionu “Eqnatiya”yla 3 illik müqavilə imzaladığını xəbər vermişdik.
“Football-plus.az” olaraq, 23 yaşlı mərkəz müdafiəçisiylə əlaqə saxladıq, keçidinin necə baş tutduğu haqda məlumat aldıq:
“Menecerim ölkə xaricindəki bir neçə klubun mənlə maraqlandığını dedi. Bununla yanaşı, yerli klublardan da təkliflər var idi. Sadəcə, karyeramı ölkə xaricində davam etdirmək istədiyim üçün seçimim “Eqnatiya” oldu. Bu klubun son ölkə çempionu və hədəflərinin daim liderlik olması qərarımı qətiləşdirməkdə böyük rol oynadı”.
Bilindiyi kimi, “Eqnatiya” millimizin və Türkiyə “Kocaelispor”unun üzvü Vüsal İsgəndərlinin sabiq klubudu. Görəsən, Zamiq komandayla bağlı Vüsaldan məlumat alıbmı? Yeni legionerimizin cavabı belə oldu:
“Əlbəttə, bu haqda Vüsaldan soruşdum. O, klub haqqında müsbət sözlər dedi, lazım olan məsləhətləri verdi”.
KƏNAN BAHADIR
Digər xəbərlər
