Yığma üzvü legioner həyatı yaşayacaq - ÖZÜ AÇIQLADI
Millimizin üzvü, "Sumqayıt"ın sabiq futbolçusu Vüsal İsgəndərli karyerasına legioner kimi davam edəcək.
Bu haqda "Football-plus.az"a yarımmüdafiəçinin özü məlumat verib.
28 yaşlı oyunçu Albaniya "Eqnatiya"sı ilə razılığa gəlib. O, saytımıza açıqlamasında iyulun 4-də adı çəkilən ölkəyə yola düşəcəyini bildirib:
"İnşallah, 3 gündən sonra Azərbaycandan gedirəm. Demək olar ki, bütün məsələlər həll olunub. Sadəcə, son addım olan klubdan çıxarış vərəqəsini almalıyam. Ümid edirəm ki, mənim üçün hər şey yaxşı olacaq".
Futbolçu ötən mövsüm "Sumqayıt"da çıxış edib.
Qeyd edək ki, "Eqnatiya" Vüsalı azı 3 il heyətində görmək istəyir.
KƏNAN BAHADIR
Digər xəbərlər
