“Mənim üçün bu, ilk normal Avropa çempionatı olacaq. 2021-ci ildə turnir bir neçə ölkədə keçirilmişdi. Turnirdən tam zövq ala bilməmişdik. Hisslər tam fərqli idi. Amma bu dəfə turnirin startını səbirsizliklə gözləyirəm. Biz Almaniyaya tarix yazmaq üçün yollanırıq. Mən də bu turnirdə iz buraxmaq istəyirəm. Bu, bizim işimizdi. Uğura acıq və nə etmək lazım gəldiyini bilirik. Evə kubokla qayıtsaq, ölkəmizi, insanlarımızı sevincə qərq etmiş olacağıq. Amma addım-addım irəliləməliyik. Hələ ki final və ya pley-offlar barədə düşünməməliyik. Yalnız qrup mərhələsini uğurlu şəkildə başa vurandan sonra digər oyunlar barədə düşünmək olar. Gücümüzü zatən hər kəs bilir. Biz hər dəfə bunu təkrarlamamalıyıq. Bu komandada yer alan hər kəs Almaniyaya çox böyük ambisiyalarla gəlir. DÇ-nin son finalçısıyıq. Amma AÇ həm təktika, həm də intensivlik baxımından çətin turnirdi. Demək olar, bütün komandalar bir-birinin zəif və güclü cəhətlərini bilir. Bu da hər kəsin işini çətinləşdirir. Biz bunu 2021-ci ildə bir daha görmüşdük. “Qızıl top”a gəlincə, onu qazanmaq arzum, əlbəttə, davam edir. Uşaq yaşlarımdan başlayaraq dünyanın ən güclü futbolçusu olmaq arzusu ilə yaşamışam. Bu hədəfimə çatmaq üçün indiyə qədər olduğu kimi, bundan sonra da yorulmadan və var gücümlə üzərimdə çalışacam. Bu, tək futbolun yox, həm də həyatın qanunudu. İnsan gördüyü işin zövqünü itirməmək şərti ilə həmişə üzərində işləməli, yeni səviyyəyə çatmağa can atmalıdı”.