"PFL və klublar arasındakı razılaşmaya əsasən qarşıdakı mövsümdə Azərbaycan premyer-liqası və əvəzedicilərin çempionatında çıxış edəcək komandaların üzvləri “Adidas” şirkətinin istehsal etdiyi, 2024-cü il Avropa çempionatının rəsmi topu olan “Fussballiebe”dən yararlanacaqlar. Alman dilindən tərcümədə “futbola sevgisi” mənasını verən “Fussballiebe”nin üzərində - turnirin loqotipinin ətrafında iştirakçı ölkələrə işarə edən qırmızı, göy, yaşıl və narıncı rənglər təsvir edilib. Həmçinin Almaniyada baş tutacaq yarışda matçların keçiriləcəyi 10 şəhərin adı və stadionların illüstrasiyası əks olunub. Bu top bioloji əsaslı materiallardan hazırlanıb. Sürətli və dəqiq oyuna imkan yaradan yüksək aerodinamikaya malikdi.

1-ci liqada mübarizə aparan klublar “Adidas” şirkətinin təsis etdiyi “Al Rihla” toplarından istifadə edəcəklər. Bu top dünya ,empionatları tarixində ekoloji cəhətdən təmiz – su əsaslı boya və yapışqanla hazırlanmış ilk futbol topudu. 2-ci liqada çıxış edən klubların istifadəsinə “Adidas” şirkətinin təsis etdiyi digər top olan “Adidas Tiro Pro” veriləcək. “Adidas Tiro Pro” futbol topu ən yüksək FİFA reytinqli ənənəvi 32 lövhəli dizayna malikdi. İnnovativ TSBE texnologiyasıyla hazırlanan topun lövhələri bir-birinə termal yolla birləşdirilib. Bu texnologiya sayəsində top daha az nəm hopdurur, uçuş trayektoriyası isə daha dəqiq olur”.

“Əməkdaşlıq edəcəyimiz şirkət həmin topları Azərbaycana daha ucuz çatıdırmaq üçündü. Klubların hər birinə bu barədə məlumat vermişik. Yəni məcburiyyət olmayacaq. Könüllü şəkildə kim istəsə, biz həmin premyer-liqa klubları üçün top sifariş edəcəyik. Təbii ki, klub olaraq hər biri sifariş edə bilər. Lakin bir var bir klub istəsin, bir də var 10 klub üçün sifariş edilsin. Qiymət fərqi özünü büruzə verəcək. Bəzi komandalar hətta özləri bizə müraciət edib ki, sifariş edin. Peşəkar Futbol Liqası, sadəcə, vasitəçi rolunu oynayır. İstəmərik ki, hər komanda fərqli topla oynasın. Toplar hamısı orijinal olacaq. İndiki durumda ən yaxşı toplar hansıdısa, onlardan istifadə edəcəyik. Yəni PFL burda vasitəçi rolunu oynayır, hansısa qazancımız yoxdu. Qiymətlərlə bağlı əlavə bilgi keçiriləcək iclasımızdan sonra açıqlanacaq. Təəssüf ki, indiki vəziyyətdə əlavə bilgi verə bilmiyəcəm”.