Dünyada idman geyimləri istehsal edən bir neçə tanınmış brend var ki, istər futbol klubları, istər sə də digər idman növündə çıxış edənlər çalışırlar ki, onlarla əməkdaşlıq etsinlər.

Həmin şirkətlər hər il texnoloji yeniliklərdən yararlanaraq, moda dünyasının müəyyənləşdirdiyi cərəyanlara uyğunlaşaraq çalışırlar ki, müşrətilərini razı salsınlar.

Ölkənin 9 qat çempionu, 10-cu dəfə bu titulu qazanmağa yaxın olan “Qarabağ” da uzun illər “Adidas” şirkətinin istehsal etdiyi geyim dəstlərindən, oyun formalarından istifadə etsə də, ötən yay dəyişiklik edərək yerli brend olan “IL’Azero”ya üz tutmaqla çoxlarını təəccübləndirdi. Ağdam təmsilçisi istər premyer-liqa, istərsə də avrokubok matçlarına məhz bu brendin istehsalı olan formalarda çıxdı. Ancaq deyəsən, bu əməkdaşlığın ömrü uzun çəkməyəcək.

“Football-plus.az” saytına daxil olan bilgiyə əsasən “köhlən atlar”rın rəsmiləri “IL’Azero”nun keyfiyyətindən narazı qalıblar. Və bu səbəbdən yenidən “Adidas”a üstünlük verməyi lazım biliblər.

Mənbəmizin sözlərinə inansaq, “Qarabağ” rəhbərliyi artıq növbəti mövsüm üçün alman şirkətinə yeni geyim dəstləri və oyun formaları sifariş veriblər.

RƏŞAD