“Komandada ciddi problem yox idi. Kurasao millisinin üzvünü kollektivdən uzaqlaşdırandan sonra müsbət yöndə irəliləyiş əldə edə bildik. Yaxşı ki, həmin futbolçunun xarakteri Renduliçdə yoxdu (gülür). Məşqə gələndə sırğa taxırdı. Dodaqlarının arasında həmişə diş çöpü... Deyirik etmə... Ertəsi gün gəlir, yenə eyni şey... Yenə deyirik... Nəhayət, onu yola salmalı olduq. Düşünün ki, adam qolunda saatla məşq edir. 20 qol vursa, onu anlayışla qarşılamaq olar. Dözərik. Amma belə deyildi. Onu göndərməkdən başqa çarəmiz yox idi. Peşəkar futbolçunun elə davranış sərgiləməsi inanılmaz idi. O gedəndən sonra komandadakı ab-hava xeyli dəyişdi. Artıq hər şey yolunda idi”.