“Mingəçevir”lə oyunda qırmızı vərəqə aldığıma görə bu dəfə məni Vüsal bəy əvəz etdi. Əslində “qırmızı”nın verilməsi haqlı idi. Sadəcə, burda bir az emosiya var idi. Hakimin verdiyi qərar səhv olduğuna görə öz etirazımızı bildirdik. Həmin etiraza görə qırmızı vərəqə ilə cəzalanmağım normal idi. Amma hakimin qərarı çox yersiz və səhv idi. Həqiqətən həmin qərara görə narazılıq bildirməmək mümkün deyildi. Bu, açıq-aşkar bizi baltalamaq idi. Futbolçu sayı baxımından kasadlıq olduğunu çempionat başlayandan deyirik. Belə hal birinci dəfə deyil. Bir neçə tur əvvələ, qışdan sonra olan nəticələrə baxsaz, bizdə belə vəziyyətin olduğunu görmək olar. Ehtiyatda cavan uşaqları oturur, hansı ki, onların təcrübəsi də yoxdu. Məcburiyyət qarşısında meydana onları buraxmalı oluruq. Bəzən belə problemlərlə üzləşirik, çünki əlavə oyunçularımız yoxdu. Futbolçu azlığı ilə mövsümü yekunlaşdırıq. Kasad heyətlə əldə etdiyimiz nəticə isə heç də pis deyil. Belə çətinliyimizin olduğunu birinci gündən deyirik. Mövsüm başlayandan, qış fasiləsindən böyük problem transferlərlə bağlı idi. Oyunçu gətirmək, heyəti qurmaq çətinliyimiz var. Son oyunda bəzi oyunçularımız iştirak edə bilmədi. Əsas heyətə düşməyən üç oyunçu da zədə səbəbindən çıxış edə bilmədi”.