“Bir çox yerli klubdan, eləcə də xaricdən təkliflər var” – Orxan Əliyev
"Araz-Naxçıvan"ın hücumçusu Orxan Əliyevin yeni mövsümdən etibarən "Səbail"ə keçəcəyi deyilir. Hazırkı klubundan aldığı yeni müqavilə təklifinə hələ də cavab verməməsinin səbəbi kimi də bunu göstərirlər.
Bəs görəsən, bu nə dərəcədə doğrudu? Doğrudanmı Orxan yeni mövsümdən "Səbail"də çıxış edəcək? Bu suallarla futbolçunun özünə müraciət etdik. Onun "Football-plus.az"a söylədikləri:
"Araz-Naxçıvan"la müqavilə müddətini artırmadım. Bir çox yerli klubdan, eləcə də xaricdən təkliflər var. Yaxın günlərdə yekun qərarımı verəcəm və yeni mövsümdən etibarən harda çıxış edəcəyim dəqiq bilinəcək".
GÜNAY SÜLEYMANOVA
