"Bəli, artıq dəqiq məlumatdı ki, yaxın vaxtlarda Naxçıvandakı stadionun təmirinə başlanacaq. Bunu ən çox istəyən, gözləyən bizik. Planlar da ona görə qurulub ki, növbəti mövsümdən Naxçıvanda oynayaq. Belə bir variant realdı. Təmir işlərinin gedişindən asılı olaraq, nə vaxt orda oyun keçirə biləcəyimiz məlum olacaq. Amma hazırda orda akademiyamız fəaliyyətini davam etdirir. Yaxın vaxtlarda orda çempionat başlayacaq. U-10 və U-15 orda çıxış edir. İnanırıq ki, yaxın vaxtlarda əsas və digər bütün komandalarımız ora köçüb, Naxçıvanın infrastrukturdan istifadə edəcək".