Qarşıdakı Olimpiya Oyunlarına görə 12 mindən artıq evsiz-eşiksiz adan Parisdən və paytaxt ətrafından çıxarılıb.

“Football-plus.az” xəbər verir ki, bu haqda xəbər yayan “The Guardian”ın iddiasına görə, köçürülənlər arasında sığınacaq istəyən, həmçinin sosial durumu yaxşı olmayan ailələr və uşaqlar da var. Bundan başqa, yerli polis şəhəri təmizləmək üçün seks sənayesində çalışanları və narkomanları da izləyir. Parisdə çadır şəhərciklərinin sökülməsi prosesi ötən ilin aprelindən güclənib. Son bir il ərzində 12 mindən artıq evsiz adam paytaxtdan uzaqlaşdırılıb.

Xəbərdə o da qeyd olunur ki, Paris merliyi evsizlərin ehtiyacları üçün min yerin hazırlanması ilə bağlı plan hazırlayıb. Ancaq hələ ki həmin plan təsdiqlənməyib. Fransa paytaxtında Yay Olimpiya Oyunlarının 26 iyul – 11 avqust aralığında keçiriləcəyini də xatırladaq.