Fransa Milli Olimpiya və İdman Komitəsinin prezidenti Bricit Henrikes istefa verib.

“Football-plus.az” xəbər verir ki, bu haqda qurumun rəsmi saytı məlumat yayıb. Bu vəzifəyə üç ay ərzində seçki olacağı bildirilib. Təşkilatın keçmiş rəhbəri Denis Masselya Henrikesi korrupsiya və maliyyə fırıldaqlarında ittiham etmişdi.

Bu arada Parisdə keçiriləcək Yay Olimpiya Oyunları üçün biletlərin 70 faizi satıldığı elan olunub. 10 milyon biletdən 7 milyonu artıq sahibini tapıb. Bunların 63,5 faizini Fransa vətəndaşları əldə edib. Qalan 3 milyon biletin yarışların startına qədər satılacağı gözlənilir.

Xatırladaq ki, Paris Olimpiadası 26 iyul - 11 avqust aralığında keçiriləcək.