Türkiyənin iki nəhəngi ''Qalatasaray'' ilə ''Fənərbaxça'' fanatları arasında münaqişə yaşanıb.

“Football-plus.az” xəbər verir ki, hadisə dünən İstanbulun ''Kalamış'' səmtində baş verib. Bilindiyi kimi bu ərazidə hər iki klubun bazası yerləşir. Dünən burda iki klubun fanatları təsadüfən eyni zamanda toplaşmağa başladı. ''Fənər''lilər başqan Əli Koçun klub üzvləri ilə görüşündə iştirak etmək üçün gəlmişdilər. Həmin məqamda isə ''Qalatasaray''lılar bazanın önündə toplaşaraq çempionluğu qeyd edirdilər. Əvvəlcə sözlü şəkildə başlayan qarşılıqlı atışma tədricən böyüməyə başladı. ''Fənər'' fanatları ''Qalatasaray''lıların üzərinə hücum çəkdi. Onlar daha sonra ''Qalatasaray''ın bazasındakı loqonu söküb ''Fənərbaxça''nın bazasında keçirilən tədbirə gətirdilər. Bununla bağlı şəkillər də sosial şəbəkələrdə sürətlə yayılmağa başladı. Bunun ardından atılan fişənglər və başqa maddələr üzündən ''Qalatasaray''ın bazası alovlanmağa başladı. Hadisə yerinə yanğınsöndürən maşın cəlb olundu və alov söndürüldü.

ƏLİ