"Bir daha fikrimdə qalıram. Məncə, Famil Xəlilovla üçillik müqavilə bağlanmalıydı. Kaxaber Sxadadze yanlış seçimdimi? Məncə, xeyr. Uzunmüddətli strategiya baxımından daha yaxşı işlər görə biləcək. Açığı, ən çox inandığım şəxs Səbuhi Səfyarlıdı. O varsa, inanıram ki, komanda gələn mövsüm bir neçə tur əvvəldən çempion olacaq. Birinci liqada komandanı dəstəkləməklə bağlı indi heç nə deyə bilmərəm. İstənilən halda "Red Black Army" komandanı yalqız buraxmayacaq. Mən şəxsim adına onu deyə bilərəm ki, bir qəbələli olaraq, maddi gücüm imkan verdikcə bütün oyunlara getməyə çalışacam. Ancaq şəxsi işlərimlə bağlı fəal azarkeş qrupundan ayrılmaq fikrim də var. Nə olacağını görəcəyik. Ancaq biz olsaq da, olmasaq da, "Red Black Army" bütün gücü ilə "Qəbələ"nin yanında olacaq. Legionerlərə gəlincə, Əyyub Allaşdan başqa heç bir legioner bizə lazım deyildi. Səbuhi Səfiyarlı düzgün legioner tapıb gətirəcək. Açığı, legionerə ehtiyacımızın olduğunu düşünmürəm. "Qəbələ" akademiyasının futbolçularını və bir neçə yerli, liqadan xəbərdar oyunçular cəlb etsək, rahatlıqla 3-4 tur əvvəl çempion ola bilərik. Amma sırf 1-ci liqa üçün legioner gətiriləcəyinə inanmıram".