Braziliya yığmasının məşqçiləri Endrikə görə qayğılıdılar.

Yeniyetmə futbolçunun Amerika Kubokunda iştirakı sual altındadı.

“Palmeyras”ın hücumçusu Libertadores Kubokunun “İndependyente del Valye” ilə oyununda (2:1) zədə alıb. Ekvadorlularla matçın ikinci hissəsində sağ ayağından xəsarət alan Endrik meydanı xərəkdə tərk edib. Hələ ki, onun zədəsinin konkret hansı müddətə sağalacağı haqda dəqiq proqnoz verilməyib. İspaniyada çıxan “AS” qəzeti 17 yaşlı futbolçunun əzələsinin zədələndiyi xəbər verib və onun bu səbəbdən təxminən 2-3 həftə yaşıl meydanlardan kənarda qala biləcəyi ehtimal olunur. Bu isə braziliyalının milli komandaya qitə çempionatında kömək etməyə biləcəyi təhlükəsini doğurur.

Qeyd edək ki, Endrik müqavilə ilə “Real”a məxsusdu. “Palmeyras”da icarə əsasında çıxış edən hücumçu İspaniya klubuna yayda qoşulacaq.