Braziliya yığması ciddi itkilərlə üzləşib. Mundial komandanın iki oyunçusu üçün erkən başa çatıb.

Football-plus.az xəbər verir ki, hücumçu Qabriel Jezusla müdafiəçi Aleks Telles uzun müddətə sıradan çıxıblar. Hər ki futbolçu Kamerunla oyunda (0:1) dizindən xəsarət alıb. “Arsenal”da oynayan Jezus təxminən bir ay yaşıl meydanlardan kənarda qalacaq. “Mançester Yunayted”in icarə əsasında “Sevilya”da çıxış edən oyunçusu Tellesin durumunun daha ciddi olduğu və onun əməliyyat edilə biləcəyi bildirilib.

Son xəbərdə hələ ki milli komandanın düşərgəsində konservativ müalicə almağa başlayan Aleksin tezliklə klubuna qayıdacağı da qeyd edilib.