“Real” mövsümün həlledici matçları ərəfəsində aparıcı oyunçularından birini itirib.

"Football-plus.az" xəbər verir ki, Luka Modriç zədə səbəbindən Çempionlar Liqasının yarımfinalının “Mançester Siti” ilə ilk oyununu buraxmaq riski ilə üzləşib.

İspaniya mənbələrinin xəbərinə görə, xorvatiyalı futbolçunun bud sümüyü zədələnib. Modriç bu səbəbdən iki həftə yaşıl meydanlardan kənarda qala bilər. 37 yaşlı futbolçunun La Liqanın “Almeriya” ilə matçında və İspaniya kubokunun “Osasuna” ilə finalında oynamayacağı bildirilib.

Bundan başqa, Lukanın Çempionlar Liqasının “Mançester Siti” ilə ilk oyununda iştirakı sual altındadı. İlk matç mayın 9-da Madriddə keçiriləcək.