Braziliya yığması ciddi itki ilə üzləşib.

Komandanın qapıçısı Ederson uzun müddətə sıradan çıxıb.Bu haqda yerli futbol qurumunun mətbuat xidməti məlumat yayıb. “Mançester Siti”nin oyunçusu premyer-liqanın “Tottenhem”lə oyununda (2:0) Kristian Romero ilə toqquşduqdan sonra gözündən xəsarət almışdı. Braziliya millisinin baş məşqçisi Dorival Junior Edersonu Amerika Kuboku üçün komandanın heyətindən kənarlaşdırmalı olub. O, “San Paulu”nun 34 yaşlı qapıçısı Rafael ilə əvəzlənib.

Qeyd edək ki, Amerika Kuboku bu il iyunun 20-dən iyulun 14-dək ABŞ-də keçiriləcək.