“Sevilya” yanvarın son günündə üç transfer əməliyyatı reallaşdırıb. İspaniya klubuna iki yeni oyunçu cəlb olunub.

“Tottenhem”dən Brian Xil transfer edilib. İspaniyalı yarımmüdafiəçi mövsümün sonuna qədər icarəyə götürülüb. “Marsel”in xavbeki Pap Geye də sevilyalılara eyni əsasda qoşulub.

“Sevilya”ya məxsus olan Lüdviq Auqustinusson isə “Malyorka”ya icarəyə verilib. 28 yaşlı isveçli müdafiəçi cari mövsümün ilk yarısını eyni statusla “Aston Villa”da keçirib. O, İngiltərə klubunda bütün turnirlərdə yalnız 5 oyun keçirib.