"Son oyunda azarkeşlərlə bir yerdə olmaq üçün belə addım atdıq və “açıq qapı” elan etdik. Sosial şəbəkələrdən, ətrafımızdan eşitdiyimiz rəylərdən belə başa düşürük ki, stadion tam dolacaq. Azarkeşlərimiz son oyunda bizi yalqız qoymayacaq. Avrokuboklara çıxmaq uğrunda həlledici matçdı və taleyimiz öz əlimizdədi. Qələbə qazansaq, qalan oyunların nəticələrindən asılı olmayaraq, avrokuboklara yollanacağıq. Buna görə də azarkeşlərə çağırış etdik. Həmin günə qədər çağırışımız davam edəcək. Gözləyirik ki, onlar da bizi yalqız qoymayacaq və son oyunda hamımız birlikdə mübarizə aparacağıq".