“Apellyasiya Arbitraj Tribunalı əsaslandırılmış qərarı vaxtından gec göndərdi” – vəkil Lozannaya üz tutacaq
AFFA Apellyasiya Arbitraj Tribunalının aprelin 9-da keçirilən iclasında “İrəvan”ın futbolçularından Ege Atlamla Kamal Mirzəyevin şikayəti rədd olunmuşdu.
Adı çəkilən futbolçuların hüquqlarını vəkil Elcan Həsənli qoruyur. O, Apellyasiya Arbitraj Tribunalının qərarıyla razılaşmadığını, yenidən şikayət edəcəyini bildirib. Bəs bu məsələ ilə bağlı hansısa yenilik olubmu? Elcan Həsənlinin “Football-plus.az”a cavabı:
“Apellyasiya Arbitraj Tribunalı əsaslandırılmış qərarı vaxtından gec göndərdi. Lozannadakı İdman Arbitraj Məhkəməsinə müraciət edəcəyik. Bununla bağlı zəruri sənədləşdirmə işlərini həyata keçiririk”.
ƏSƏD SEYİDOV
Digər xəbərlər
