''Bavariya'' hələ də özünə yeni məşqçi tapa bilməyib.

Bir müddət öncə Tomas Tuxelin vəzifəsində qalacağı barədə şayiələr peyda olmuşdusa, təcrübəli mütəxəssis daha sonra açıqlama verərək bunları təkzib etmişdi. Ən son Münhen nəhənginin rəsmiləri hazırda ''Benfika''nı çalışdıran Rocer Şmidtə təklif irəli sürdülər. Amma Şmidt bu təklifi geri çevirdi. Daha öncə ''Bayer-04'' və PSV-ni çalışdırmış 57 yaşlı mütəxəssis bununla da ''Bavariya''nın başına keçməkdən imtina edən 6-cı məşqçi oldu!

Daha öncə Yulian Naqelsmann, Xabi Alonso, Ralf Ranqnik, Oliver Qlasner və Tomas Tuxel ''rekordmayster''in başına keçmək istəməmişdi. Bu günlərdə ''Brayton''dan ayrılacağı açıqlanan Roberto de Zerbi də ''Bavariya''nın maraq dairəsində idi. Amma sonra açıqlandı ki, De Zerbi ''Bavariya''da işləməyəcək.

ƏLİ