“Bavariya” Ranqnik ilə danışıq aparır
“Bavariya” rəhbərliyi mövsümün sonunda komandadan ayrılacaq Tomas Tuxelin yerinə baş məşqçi axtarışını davam etdirir.
Almaniya klubu Yürgen Kloppun xidmətində maraqlıdı. “Focus”un məlumatına görə, Almaniya millisini çalışdıran Yulian Naqelsmann yerli futbol qurumu ilə müqaviləni yenilədiyi üçün “Bavariya” istiqaməti Kloppa yönəldib. Almaniyalı mütəxəssis bir neçə ay əvvəl cari mövsümün sonunda “Liverpul”dan ayrılacağını açıqlamışdı. Lakin o, məşqçilik karyerasına birillik fasilə vermək istəyir. İddiaya görə, “Bavariya” rəhbərliyi Kloppu gözləməyə hazırdı.
İddiaya görə, klub Kloppa görə Ralf Ranqniki müvəqqəti - 2025-ci ilin yayınadək baş məşqçi təyin etmək variantını nəzərdən keçirir. Münhenlilər artıq onunla təmas qurublar. Avstriya yığmasının baş məşqçisi bu haqda belə deyib:
“Bavariya” rəhbərliyi mənimlə əlaqə qurub. Bu haqda Avstriya Futbol İttifaqına xəbər vermişəm. Aramızda qarşılıqlı etimad var. Amma indi yalnız Avstriya yığmasına köklənmişəm”.
Digər xəbərlər
