“Qərar gözlənilməz olmadı. Sonuncu yeri tutmuşuqsa, premyer-liqanı tərk etməyimiz normal haldı. Biz də idman prinsiplərinin qorunmasının tərəfdarıyıq. Uğursuzluqların səbəbini rəhbərlik səviyyəsində araşdırmışıq. Səhvlərimizi bilirik. Burda həm bizim, həm uğursuz oyunlar keçirən komandamızın, həm də hakimlərin haqsız qərarlarının payı var. Elə mübahisəli epizodlar olub ki, başqa klubların xeyrinə qərar verilibsə, bizim üçün əksi olub. Ümumiyyətlə, səhvlərdən nəticə çıxarmalıyıq. Hazırda 1-ci liqa üçün hazırlığa başlayırıq. Əsas məqsədimiz keyfiyyətli heyətin formalaşdırılmasıdı. Əlbəttə, premyer-liqada qalmaq istəyərdik. Buna baxmayaraq, başverənləri faciəyə çevirməyə ehtiyac yoxdu”.

“Dəstək akademiyanın və infrastrukturun qorunmasıyla bağlıdı. AFFA bizdən 2023/24 mövsümündə sırf bu sahəyə nə qədər pul xərcləndiyini soruşub. Hesablamalardan sonra lazımi məlumatları quruma təqdim etmişik. Düzü, az məbləğ deyil. Çünki “Qəbələ” digər klublardan fərqli komandadan və ətrafdakı 5-10 adamdan ibarət deyil. Biz təkbaşına bu qədər maliyyə tələb edən işlərin öhdəsindən gələ bilmərik. Çünki sırf akademiya və infrastruktur üçün lazım olan vəsait 1-ci liqa klublarına ayrılan puldan dəfələrlə çoxdu. Belədə dəstəyə ehtiyac var. AFFA-nın istədiklərini etmişik. Qurumla təmaslarımız davam edəcək. Qarşıdakı günlərdə bizə nə qədər maliyyə ayrılacağı bəlli olacaq”.