“Baku Sportinq” çempion olacağına inanır
2-ci liqanın lideri “Baku Sportinq”in çempionluğunu vaxtından əvvəl qeyd etməsi maraq doğurdu.
“Football-plus.az” xəbər verir ki, hazırda aktivində 58 xalı olan “Baku Sportinq”in çempionluq şansı yüksək olsa da ən yaxın izləyicilərindən olan və 1 oyun az keçirən “Füzuli”nin aktivindəki xal sayı 50-di. Bu isə o deməkdi ki, “Baku Sportinq” qarşıdakı bütün oyunlarda məğlub olarsa və “Füzuli”nin qalib gəldiyi təqdirdə çempionluq əldən gedəcək. Tələskənlik edərək belə erkən çempionluq paylaşımının səbəbini öyrənmək üçün “Baku Sportinq”in mətbuat xidmətinin rəhbəri Araz Əhmədovla əlaqə saxladıq:
“Xeyr, tələskənlik deməzdim. Onsuz da o paylaşımda rəsmən çempion olduğumuz yazılmayıb. Bizim qarşıda 2 oyunumuz var. Həmin görüşləri “Dinamo” və “Şəfa”ya qarşı keçirəcəyik. Biz çempionatda cəmi 1 dəfə məğlub olmuşuq. O da mövsümün ikinci yarısında “Sheki City”lə səfərdə keçirilən matça təsadüf edir. Yəni mövsüm ərzində 1 dəfə məğlub olan komandaya inamım böyük olduğu üçün elə yazmışam. Təbii ki, rəsmi deyil. Ancaq inşallah ki, növbəti turda “Dinamo”yla oyunda qalib gəlib çempionluğumuzu rəsmiləşdirəcəyik. Amma “Füzuli”yə gəlincə, son turda 2-ci pillə uğrunda əsas rəqibi sayılan “Cəbrayıl”la görüşü var. Biz isə sonuncu turda “Şəfa” ilə qarşılaşacayıq. Öz aramızdakı oyunlarda da həm “Cəbrayıl”ı, həm də “Füzuli”ni məğlub edə bilmişik”.
KAMAL SƏFƏR
Digər xəbərlər
